කළගුණ නොදත්තෝ

කළගුණ  නොදත්තෝ 

අප ඇයගේ කුසට ආ දා සිට අපව පන මෙන් ආරක්ෂා කර  අප මෙලොව එලිය දුටු දා පටන් රතු ලේ කිරි කර පොවා අප හදා වඩා පෝෂණය කර දිවා රැ නොබලා වෙහෙස වී කටයුතු කර අපව යහ මගට ගැනීමට සැමදා 

කටයුතු කරන අම්මා ගැන සෝචනීය පුවතක් 

සහෝදර බැදීම

සහෝදර බැදීම 

ඔබට උපන් සෙනෙහස රැදී තිබේ මා හද පතුලේ 

පැවසීමට වදන් නොමැත ඔබට නොහැක වටහා ගැනුමට 

මගේ පනයි ඔබ මගෙ සුදු නංගෝ 

සැමදා දෙන්නෙමි ඔබ හට මවක් මෙන් සෙනෙහස... 

හැමවිට රිදවයි මා ඔබගේ ඔය පුංචි සිත

ඔබ හා රණ්ඩු වී බැන ගනියි හැමවිට

එනමුදු වෙනස් නොවේ අප අතර පවතිනා මේ

ආදරණිය බැදීම......

ඔබයි මා හැමදේම අප අතර නොපවතී කිසිඳු රහසක් 

යෙහෙළියක් මෙන් ඔබ මා වෙත සමීප වී 

පවසයි ඔබගේ හැමදෙයක්ම

වරදක් සිදු වුණා නම් දැන හෝ නොදැන

දෙනු මැන ඔබෙ ආදර අක්කාට සමාව

ආදරෙයි මගෙ නංගියෝ  හැමදාමත් 

රැක ගනිමි ඔබව මගේ පන මෙන් 

කෙතරම් බැදීම් පැවතුනද 

සදාකාලිකයි අපගේ සහෝදර බැදීම.....

                                                                *දුලා -

විදු මවුනි

විදු මවුනි 

තවම මතකයි අද වගේ මට 

අම්මගේ සුළගිල්ලේ එල්ලිලා 
පුංචි සපත්තු දෙකෙන් 
විදු මවු තුරුලට පිය නැගූ හැටි 
ගුරු මෑණියන් මා හිස පිරිමැද
ආදරෙන් මා වැළදගත් හැටි 
මගේ ලෝකේ අලුත් වුණා
කාලයත් සමග වෙනස් වුණා  

වසර දහතුනක් ඔබ තුරුලේ ගෙවූ කාලය 
සිහිවෙයි අදටත්,අමතක කරනු නොහැකි ඒ මතකය 
යලිත් උදාවේනම් එම කාලය 
යලිත් පැමිණෙන්නෙමි ඔබේ තුරුලට 
සිටිද්දී ඔබ තුරුලේ නොදැනුනි ඔබේ සෙනෙහස 
හැරගිය පසු දැනෙයි මෑණියනි ඔබේ ගුණ කද

සදාදර විදුහල් මෑණියනි 
අවසරයි මම සමු ගන්නම් 
සදාකාලික මතකයක් වී 
වැජබේවි ඔබ හද පතුලේ 
දිනේවා විදු මෑණියනි සදාකල්....
                                                          -දුලා*

ආදරයේ උණුහුම

ආදරයේ උණුහුම 

නොසිතු මොහොතක මගේ දිවියට ආ 

පළමු පෙමයි ඔබ මගේ රත්තරනේ 

ආදරයේ උණුහුම නොදන්නා දිනයක

එය වින්දේ ඔබගෙනි මගේ රත්තරනේ 

උගත්තා බොහෝ දේ ඔබෙන් 

අමතක කරනු නොහැකි ඒ වදන් 

ඔබ කියූ රස කතා වල 

රසය විදීමට ආසයි හැමදාමත් 

මගේ ජීවිතයේ දෙවැනි අප්පච්චි ලෙස 

හැමවිට දුන්නා  පිය සෙනෙහස 

ඔබේ සුදු දෝණිය වෙත 

ආදරෙයි මගේ අප්පච්චි හැමදාමත් 

බැන්නත්  ඔබ ඉදහිට  ඒ වරදටමයි 

පොඩි දේටත් කේන්ති ගන්නේ  ඒ ඇති  ආදරයටමයි 

එනමුදු ඔබ ළග රැදී සිටින්නේ සසර පුර ආ බැදීමටයි 

අපි දෙන්නගේ ආදරේ මහත්තයෝ මුළු සංසාරෙටමයි 

                                                                                                                       -දුලා*      

ගුරු තරුව ඔබයි

ගුරු තරුව ඔබයි

පොවා සිප් කිරි 

 දහදිය  බිඳ හෙලා

සෙනෙහසින් ලද උරුමයෙන් 

ජීවිතය ඔපවත් කල

මිණි පහන ඔබයි 

ගුරු පියාණෙනි....

විදු නැණ ඉක්මවා 

දවසක ජීවිතය දිනන්නට 

නුබෙන් ලද ගුරුහරුකම් 

මහමෙරකි ගුරු පියාණෙනි..

දැනුමින් මගේ ලෝකය එලිය කල 

නුබයි ජීවන වෘක්ෂය 

පෝෂණය කල මුදුන් මුල 

සදා ණය ගැතියි 

ඔබ හට ගුරු පියාණෙනි...

-දුලා* 

පිය සෙනෙහස

හදවතින් ආදරය කරනා
සිහිනෙන් දරුවන් සිබිනා
නිහඬවම  පෑ සෙනෙහසට
හැමදාම පුදමි මම
මගේ තාත්තේ.....
ජීවිතය ජීවත් කරවන
ජීවයද නුබය...
අම්මා සඳු උන මගේ ලෝකයට
උදා හිරු නුබය රත්තරන් මගේ තාත්තේ

 මහ මුහුදක් මෙන් දහදිය වැගිරූ
හිරුද නුබය....
ඔබේ සෙනෙහසේ උස පවසන්නේ
කෙලෙසද මගේ තාත්තේ

දුක මකාලන
සතුට නුබයි.....
ජීවිතයට දිරිය දෙන
ශක්තිය නුබයි.....

හැමදාම පුදමි මම රත්තරන් තාත්තේ...
                                                      
                                                            -දුලා *

මව් සෙනෙහස

මව් සෙනෙහස 

මා මෙලොවට බිහිකල මගේ සුදු අම්මේ
ලේ කිරි කර  පොවා මා ඇති දැඩි කල අම්මේ 
සිප් සතර දී මා යහමග යැවු අම්මේ 
සැමදා ඔබේ පා යුග වදිනෙමි අම්මේ 

⁣⁣ලෙඩ දුක් ඇති වු විගස 
රැගෙන දුවයි මා රෝහල වෙතට
සුවයක් ලැබෙන තුරු නැත ඉවසිල්ල
සදා ණය ගැතියි මගේ සුදු අම්මාට

ගෙදර බුදුන් යැයි බුදු හිමි දෙසු අම්මේ 
ලොව ඇති මිහිරි වචනයයි ඔබ ආදර අම්මේ 
මගේ ආයුෂත් ගෙන ඔබ වැජඹෙනු අම්මේ 
මෙතේ බුදුන් දැක මතු බුදු වෙනු අම්මේ 

                                                                 -දුලා*